कर्नाटकमा हिजाब विवाद चर्कियो : तीन दिन शिक्षण संस्था बन्द

नयाँ दिल्ली : कर्नाटकमा हिजाब लगाउने मुद्दाले मंगलबार हिंसात्मक मोड लिएको छ। तर, ढुंगामुढा र नाराबाजीका केही घटनापछि प्रहरीले स्थिति नियन्त्रणमा लिएको थियो।

मंगलबार कर्नाटक उच्च अदालतमा हिजाब मुद्दामा सुनुवाई सुरु भएको थियो। तर बिहानैदेखि दाभाङ्गेरे, हरिहर र शिवमोग्गा जिल्लामा विद्यार्थीले प्रहरीमाथि ढुङ्गामुढा गर्न थाले। बिहान हिजाब लगाएर आ–आफ्नो कलेज जान लागेका युवतीलाई केही विद्यार्थीले रोक्न खोजेपछि झडप भएको हो।

मुद्दाले हिंसात्मक मोड लियो

बिहानै विद्यार्थीका दुई समूहबीच झडप भएको थियो। छात्राहरुको एक समूहले हिजाब लगाएका थिए भने अर्को समूह केसरको सल लगाएर आएका थिए। दुई समूहबीच नाराबाजी र चर्को झगडा भएको थियो। जसका कारण हिजाब मुद्दामा अदालतको फैसला नआएसम्म उडुपीका निजी कलेजहरू बन्द गर्ने निर्णय गर्‍यो।

शिवमोग्गा, बनहट्टी र बागलकोट (उत्तर कर्नाटक) मा दुवै पक्षबाट झडप भएको थियो। भिडियोमा एक विद्यार्थीका अभिभावकलाई पनि ढुङ्गा हानेको देखिएको छ। छात्राहरुलाई हिजाब लगाएको भन्दै कलेज बाहिर रोकिएपछि सनसनी फैलिएको थियो। बागलकोटका एसपी बी जगलासरले बीबीसीलाई भने, ‘बनहट्टीको अवस्था नियन्त्रणमा छ। ,

हिंसा र झडपका घटना सार्वजनिक भएपछि प्रदेश सरकारले तीन दिन विद्यालय र कलेज बन्द गर्न निर्देशन दिएको छ।
 कर्नाटक उच्च अदालतमा यस विषयमा सुनुवाइ भइरहेको बेला हिंसा र झडपका घटनाहरू भएका छन्। मंगलबार यो मुद्दाको बहस हुन सकेन। बुधबार यस विषयमा बहस हुनेछ। मुद्दाको सुनुवाइका क्रममा न्यायाधीश कृष्ण दीक्षितले क्याम्पस भित्र र बाहिर हिंसाप्रति चिन्ता व्यक्त गर्दै शान्ति कायम गर्न अपील गरेका थिए। हिजाबमाथिको प्रतिबन्धलाई चुनौती दिने छात्राहरूको निवेदनमा अदालतले सुनुवाइ गरिरहेको छ।

उडुपी जिल्लाको एमजीएम कलेजमा विद्यार्थीहरु भेला भएको प्रहरीले जनाएको छ। केही हिजाब लगाएका केटीहरू कलेजमा आए। अर्को तर्फ भगवा सल लगाएर कलेजमा आए, जसलाई कलेज परिसर भित्र जान दिइएन।

हिजाब लगाएर आएकी एक विद्यार्थीले भनिन्, ‘हामीलाई वर्षभरि हिजाब लगाएर कलेज आउन दिइयो। अचानक कलेजको महिला कोठामा पनि हिजाब लगाउन नपाइने भनियो।’

उही समयमा, केसरको सल लगाएकी केटीले भनिन्, ‘हामी केवल एकरूपता चाहन्छौं। हामी यसअघि केसरको सल लगाएर आएका थिएनौं।’

के हो त पुरै घटना ?

जब उडुपीको एक प्रि-युनिभर्सिटी सरकारी कलेजका करिब आधा दर्जन छात्राहरूले हिजाब हटाउन अस्वीकार गरेपछि केही समयअघि यो विषय चर्चामा आएको थियो ।

दोस्रो वर्षका यी छात्राहरूले हिजाब फुकालेर कक्षामा बस्ने अपिललाई अस्वीकार गरेका थिए। जब यी छात्राहरुको कुरा सुनिएन तब उनीहरु आन्दोलनमा उत्रिएका थिए । उडुपी जिल्लाको कलेजमा केटीले हिजाब लगाएको भन्दै केही विद्यार्थीहरु केसरको सल लगाएर आएपछि विवाद बढेको हो ।

यसपछि युवतीहरूले पनि जुलुसको रूपमा भगवा सल लगाएर निजी कलेज प्रवेश गर्ने प्रयास गरे। यो विषयले गति लियो र राजनीतिक दलहरू पनि यो विवादमा फसे ।

छात्राहरुले हिजाब लगाउन रोक लगाएको भन्दै उच्च अदालतमा निवेदन दिएका छन् । उनीहरु हिजाब लगाउनु उनीहरुको संवैधानिक अधिकार भएको बताउँदै यसबाट रोक्न नसकिने भन्छन्। –बीबीसी हिन्दीबाट