सिके राउतलाई उपस्थित हुन नवलपरासी अदालतको ३५ दिने म्याद

काठमाडौं – जनमत पार्टीका अध्यक्ष सिके राउतलाई ३५ दिनभित्र हाजिर हुन नवलपरासी जिल्ला अदालतले म्याद सूचना जारी गरेको छ ।

गोरखापत्र दैनिकमा सूचना निकालेर अदालतले यसअघि पक्राउ पुर्जी जारी गरिएकोमा घर पत्ता नलागेकोले मुलुकी फौजदारी कार्यविधि संहिताबमोजिम सवुदसहित उपस्थित हुन भनिएको हो ।

सूचनामा रौतहट लेखिएपनि उनको घर ठेगाना सप्तरीको महदेवा गाउँपालिका हो ।

राउतविरुद्ध नवलपरासी अदालतनमा राज्यविरुद्धको संगठित अपराधको मुद्दा विचाराधीन छ ।

तराईलाई नेपालबाट अलग गर्नुपर्छ भनेर गतिविधि चलाइरहेका राउतले मूलधारको राजनीतिमा फर्कने उद्घोषसहित सरकारसँग २०७५ फागुन २४ मा सहमति गरेका थिए ।

पक्राउ गर्न कतैबाट पत्र वा सूचना नआएको धनुषाका डीएसपी मकेन्द्र मिश्रले  बताए ।

प्रतिक्रिया

सम्बन्धित समाचार