बागमती प्रदेश यातायात व्यवस्था कार्यालय ललितपुर, एकान्तकुनाबाट प्रहरीले १० जना विचौलियालाई पक्राउ गरेको छ।
पक्राउ पर्नेमा ललितपुर १४ तिखिदेवलका ३४ वर्षीय सुजन बुढाथोकी, दोलखाको दोलखा गाउपँपालिका ७ का ३४ वर्षीय विवेक थापा, धनुषाको बटेश्वर गाउँपालिका–७ का ३५ वर्षीय दुनया बहादुर राउत, काभ्रेको महाभारत ५ का २२ वर्षीय विशाल तामाङ, ललितपुरको बाडेगाउँका ३९ वर्षीय सुनिल बज्राचार्य रहेका छन् ।
यस्तै, ललितपुरकै पाटनढोका बस्ने वर्ष ३६ का महेश सुवेदी, रामेछापका २६ वर्षीय शिव दर्जी, ललितपुरकै राजेश सुनुवार बाराको निजगढका २४ वर्षीय रोशन घिमिरे र काभ्रेको शिखर अम्बोटेका ३३ वर्षीय कमल थापालाई पनि प्रहरीले नियन्त्रणमा लिएको छ।
उनीहरुले यातायात कार्यालयमा आएका सेवाग्राहीलाई अनावश्यक झन्झट र हैरानी दिने गरेका कारण नियन्त्रणमा लिइएको प्रहरी परिसर ललितपुरले जनाएको छ। नेपालखबर
प्रतिक्रिया