निर्वाचनको मतगणना सन्तोषजनक रहेको निवर्तमान मेयर महतो ।।

धनवीर महतो
महोत्तरी / निर्वाचनको मतगणना सन्तोषजनक रहेको गौशाला नगरपालिकाको निवर्तमान मेयर शिवनाथ महतोले बताएका छन् । रेडियो रुपान्तरणसँग कुराकानीको क्रममा मेयर महतोले नगरभरिको मतगणना स्वच्छ तवरले सम्पन्न हुनेमा विश्वास व्यक्त गरेका छन् ।

मेयर महतोले भने, ‘गतबर्षको तुलनामा यसबर्ष व्यवस्थित रुपमा संचालन भईरहेको छ । मतगणनास्थल सिसि क्यामेराको निगरानी रहेको छ भने तारजालीले घेरिएर राखिएको छ । जसले मतगणनास्थल सुरक्षित रहेको छ ।’
मेयर महतोले निर्वाचनको गतिविधी पहिलेको तुलनामा व्यवस्थित एवम् सन्तोषजनक रुपमा भईरहेको बताएका छन् ।