करेन्ट लागेर गोडैतामा एक मजदुरको मृत्यु

सर्लाही – सर्लाहीको गोडैतामा नगरपालिकामा करेन्ट लागेर आज बिहान (मंगलबार) फर्निचरमा काम गर्ने एक जना मजदुरको मृत्यु भएको छ । मृत्यु हुनेमा कौडेना गाउँपालिका वडा नं. ३ इनर्वा बस्ने २५ वर्षीय बिरेन्द्र ठाकुर रहेको जिल्ला प्रहरी कार्यालय सर्लाहीले जनाएको छ ।

मंगलबार बिहान करिब साढे ११ बजे गोडैता नगरपालिका वडा नं.८ स्थित वैधनाथ पंडितको फर्निचरमा काम गर्ने क्रममा अचानक करेन्ट लागेर घाइते भएका ठाकुरको शुभम अस्पताल कौडेना बजारमा उपचारको क्रममा दिउँसो १२ बजे मृत्यु भएको जिप्रका सर्लाहीका प्रहरी प्रवक्ता एवं डिएसपी मदन कुवँरले जनाएको छ ।

मृतकको शव सोही अस्पतालमा राखिएको प्रवक्ता कुवँरले बताएको छ ।

प्रतिक्रिया