Sunday 16th of June 2024

कर्नाटकमा भाजपा विधायकको घर र कार्यालयमा छापा, १६ करोड बरामद

0 Shares

नयाँ दिल्ली / कर्नाटकको लोकायुक्त पुलिसले भाजपाका विधायक के मदाल विरुपकक्षप्पा र उनका छोरालाई भ्रष्टाचारको मुद्दामा मुख्य अभियुक्त बनाएको छ। यस मुद्दामा हालसम्म १० करोड भारु (१६ करोड नेरु)बरामद भइसकेको छ ।

कर्नाटकमा भाजपा विधायकको घर र कार्यालयमा छापा, १६ करोड बरामद

विधायक के मदाल विरुपाक्षप्पाले कर्नाटक सोप्स एण्ड डिटर्जेन्ट लिमिटेडको अध्यक्ष पदबाट राजीनामा दिएका छन्। यो एक सरकारी कम्पनी हो जसले प्रसिद्ध साबुन बनाउँछ।

के मदल विरुपकक्षप्पाको कार्यालय र घरमा बिहीबार छापा मारिएको थियो जुन शुक्रबारसम्म जारी थियो । कर्नाटक विधानसभा चुनावको दुई महिना अघि भ्रष्टाचारको मुद्दाले भाजपालाई गाह्रो बनाउन सक्छ।

लोकायुक्त प्रहरी अधिकारीले आफ्नो परिचय लुकाउँदै बीबीसी हिन्दीलाई भने, ‘अध्यक्ष र उनका छोरा प्रशान्तको घरबाट ६ करोड १० लाख भारु बरामद भएको छ। प्रशान्तको निजी कार्यालयबाट १ करोड ६२ लाख रुपैयाँ प्राप्त भएको छ ।

यस घटनामा प्रशान्त, उनका लेखापाल र अन्य तीन जनासहित पाँच जनालाई पक्राउ गरिएको छ । यी तीन जनामाथि घुस दिएको आरोप छ ।

लोकायुक्त प्रहरीलाई गोप्य सूचना र औपचारिक उजुरी समेत दर्ता भएपछि यो छापा मारिएको हो ।

प्रशान्तले ४० लाख भारु घुस लिएको भन्दै छापा मारेको बताइएको छ ।  यो घुस प्रशान्तले बुबाको सट्टामा लिएको आरोप छ ।

प्रशान्त आफै सरकारी जागिर गर्छन् । उनी बैंगलोर पानी आपूर्ति र ढल निकास बोर्डमा मुख्य लेखापाल हुन्। यसअघि उनी भ्रष्टाचार विरोधी ब्यूरोमा आर्थिक सल्लाहकार थिए । यो ब्यूरो गत वर्ष विघटन गरी लोकायुक्त बनेको थियो । बीबीसी

प्रतिक्रिया