Friday 14th of June 2024

गौर घटना लाई अतिरंजित गरिए समाजवादी मोर्चाको औचित्य समाप्त हुने : लालबाबु राउत

0 Shares
जनकपुरधाम / जनता समाजवादी पार्टीका केन्द्रिय कार्यकारिणी सद्स्य लालबाबु राउतले गौर घटनालाई अतिरंजित गर्ने प्रयास गरिए समाजवादी मोर्चाको भविष्यनै समाप्त हुने चेतावनी दिएका छन ।
जनता समाजवादी पार्टी मधेश प्रदेशको युवा, विद्यार्थी तथा खेलकुद बिभाग द्वारा आज जनकपुरमा आयोजित प्रदेश स्तरिय कार्यशाला गोष्ठीको उदघाटन सत्रमा प्रमुख अतिथिको आसन बाट बोल्दै राउतले माओवादी दम्भका कारण १७ बर्ष अगाडि भएको उक्त घटना लाई अतिरंजित गर्ने प्रयास नगर्न आग्र्ह समेत गर्नु भयो ।
May be an image of 4 people, dais, temple and text that says 'विकास यूवा, विद्यार्थी तथा खेलकुद संगठनको कार्यशाला गोष्टी मिति 2०1० भाद्र आयोजक माजवादी पार्टी नेपाल खेलकुद वेभाव देश जनकपुरघाम भा हल मर.किता'
मधेश प्रदेशका प्रथम मुख्यमन्त्री समेत रहनु भएका राउतले बलिदानी पुर्ण लामो संघर्षले मुलुकमा स्थापित संघिय लोकतान्त्रिक गणतन्त्रमाथी विभिन्न शक्ति केन्द्रहरु बाट प्रहार भैइ रहेको बर्तमान परिपेक्षमा गौर घटनालाई अतिरंजित गर्ने प्रयास हुनु लाई जसपाले संघियता र गणतन्त्र माथिकै प्रहारको रुपमा लिएको उल्लेख गर्नु भयो ।
संघिय लोकतान्त्रिक गणतन्त्र को लागि नेतृत्वदायी भुमिका निर्बाह गरेको जसपाको काँधमा रक्षाको जिम्मेवारी समेत रहेको उल्लेख गर्दै राउत ले युवा विद्यार्थी हरुलाई हरेक परिस्थिति को तयारी अवस्थामा रहन निर्देशन समेत दिनु भयो ।
May be an image of 7 people and text
बिभाग का प्रमुख एबं जसपा मधेश प्रदेशका उपाध्यक्ष ज्ञानेन्द्र कुमार यादव को अध्यक्षतामा भएको उक्त उद्घाटन सत्रमा जसपा मधेश प्रदेशका सह ईन्चार्ज उर्मिला साह , केन्द्रिय सदस्री योगेन्द्र राय यादब, मधेश सरकारका अर्थ मन्त्री संजय यादव , मधेश प्रदेश अध्यक्ष रामबाबु यदव, सचिव जितेन्द्र यादव सहितका बक्ता हरुले शुभकामना मन्तव्य राखेका थिए ।
कार्यशाला गोष्ठीले युवा, विद्यार्थी तथा खेलकुद संगठनको अगामी रणनीति तय गर्ने आयोजक ले जनाएको छ ।
प्रतिक्रिया