गुजरातको भरुचस्थित पटेल वाल्फेयर अस्पतालमा आगलागी हुँदा १२ को मृत्यु

कोरोना संक्रमितको उपचारका लागि बनाइएको उक्त अस्पतालमा शुक्रबार राति १२ः३० बजे आगलागी हुँदा उपचाररत १२ जना संक्रमितको मृत्यु भएको हो ।

घटनाको बारेमा जानकारी दिदै भरुच प्रहरीले भनेको छ, ‘प्रारम्भिक जानकारी अनुसार राति १२ः३० बजे पटेल वाल्फेयर अस्पतालको डेडिकेटेड कोभिड केयर सेन्टरमा आगलागी हुँदा १२ जनाको मृत्यु भएको छ ।’

भरुच प्रहरीको एसपी राजेन्द्र सिंह चुडासमाका अनुसार आईसीयूमा शर्ट सर्किट हुँदा आगलागी भएको हो । अहिले उक्त आगोलाई नियन्त्रणमा लिइसकिएको जानकारी गराइएको छ ।