जेसिवीले ठक्कर दिदा मोटरसाईकल चालकको मृत्यु

महोत्तरी / सम्सीमा जेसिभीकोे ठक्करले एकजनाको ज्यान गएको छ । मृत्यु हुनेमा भंगहा नगरपालिका १ का ५० बर्षिय सिंहेश्वर साह रहेका छन् । वुधबार सर्लाहीको मलंगवाबाट घरतर्फ फर्किने क्रममा सम्सी गाँउपालिका ७ स्थित हुलाकी सडकखण्डमा चलाईराखेको नम्बर स्पष्ट रुपमा उल्लेख नभएको जेसिवीले ठक्कर दिदा साहको उपचारको लागि अस्पतालतर्फ लैजाने क्रममा वाटोमा ज्यान गएको हो ।
गम्भीर घाईते अवस्थामा रहेको साहको जानकी एकेडेमिक हस्पिटल पर्सामा ल्याउने क्रममा वाटोमा ज्यान गएको मृतकका आफन्त ईन्द्रेश साहले जानकारी दिएका छन् । साहले काम विशेषले मलगवा गएको र फर्किने क्रममा प्र . २ – ०२ – ००१ प ४६४७ नम्बरको मोटरसाईकल जेसिवीसँग ठोक्किन गएको साहले जनाएको छ ।
जेसिवी चालक फरार रहेको र जेसिवी ईलाका प्रहरी कार्यालय रामगोपालपुरको नियन्त्रणमा रहेको जिल्ला प्रहरी कार्यालय महोत्तरीले जनाएको छ । प्रहरीले घटनाको सम्बन्धमा थप अनुसन्धान गरिरहेको छ ।