गौशाला न.पा.मा भएको प्रदेश स्तरीय फुटबल प्रतियोगितामा ढल्केबर एफसी गौशाला बिजयी

गौशालाः महोत्तरीको गौशाला नगरपालिका वडा नं. ४ स्थित विरता स्पोर्ट क्लवद्वारा आयोजित स्व. रामलखन चौधरी स्मृति कप प्रदेश स्तरीय फुटबल प्रतियोगिताको १२औ संस्करणमा आज भएको फुटबल प्रतियोगितामा ढल्केबर एफसी गौशाला बिजयी भएको छ ।

आजको खेल धारापानी आर्मि टिम र ढल्केबर एफसी गौशाला बीच भएको छ ।
ढल्केबर एफसी गौशालाले हाफ टाईम पछि भएको खेलमा पहिलो गोल जर्सी नं. ११ का अरविन्द चौधरीले लगाएका थिए भने खेलको दश मिनेट बाँकी हुदा डि–एरियामा हाईन्ड हुँदा पेनाल्टीमा धारापानी आर्मी टिमका जर्सी नं. १० का मदन अधिकारीले एक गोल लगाई खेल बराबरी ल्यार्ई पाँच पाँच बलको पेनाल्टीमा धारापानी आर्मी टिमले चार गोल लगाएका थिए भने ढल्केबर एफसीले पाँच गोल लगाई विजयी भएकाछन् ।
प्रतियोगितामा प्रथम पुरस्कार कप, प्रमाण पत्र, मेडल सहित नगद ७० हजार, दोस्रोलाई कप प्रमाण पत्र मेडल र नगद ३५ हजार र म्यान अफ द टुर्नामेन्टलाई नगद २ हजार, त्यसै गरि बढि गोल गर्ने खेलाडीलाई नगद १५ सय प्रदान गरिने विरता स्पोर्टस क्लव गौशालाका सचिव इन्दल कुमार राउतले बताए । उक्त प्रतियोगिता पुस २८ गतेसम्म चलने सचिव राउतले बताए ।