0
Shares
महोत्तरी : महोत्तरी प्रहरीले ४ जना फरार प्रतिवादीलाई पक्राउ गरेको छ। पक्राउ पर्ने प्रतिवादीहरुमा भंगहा नगरपालिका-८ का २३ वर्षीय वेलाल राईन (कवारी) र २३ वर्षीय मुस्तफा राई रहेका छन्। उनीहरू उपर ज्यान मार्ने उद्योगमा संलग्न रहेको भन्दै जिल्ला अदालत महोत्तरीले सजाय सुनाएको थियो।
त्यस्तै अपहरण गरी मानिस बेपत्ता गरेको कसुरमा सम्सी गाँउपालिका-७ का ४० वर्षीय हजारी महरा चमार र ३८ वर्षीया गीतादेवी महरा रहेका छन्।
पक्राउ परेका चारै जनालाई बिहीबार जिल्ला अदालत महोत्तरीमा बुझाई थप अनुसन्धान भइरहेको जिल्ला प्रहरी कार्यालय महोत्तरीले जनाएको छ। उनीहरु सजाय पाएपछि लामो समयदेखि प्रहरीको फरार सुचीमा रहेको प्रहरी प्रवक्ता डीएसपी सन्त्लाल प्रसाद जयसवारले बताएका छन्।
