जनकपुरमा अक्सिमिटर कालोबजारी, एक जना पक्राउ

जनकपुर । जनकपुरमा अक्सिमिटर कालोबजारी गरेको आरोपमा एक जना औषधी पसल सञ्चालकलाई पक्राउ परेका छन् । 

धनुषा प्रहरीले जनकपुरमा संचालित बिनिता सर्जिकल स्टोरका संचालक भुप नारायण साहलाई पक्राउ गरेको हो । 

जिल्ला प्रहरी कार्यालय धनुषा अनुसार साहलाई स्टोरबाट पक्राउ गरिएको हो । साहले १२ सय रुपैयाँमा पाइने अक्सिमिटर ३ हजार भन्दा बढी मूल्यमा बिक्री गरेको पाइएको प्रहरीले जनाएको छ ।

साहको पसलबाट प्रहरीले २८  थान अक्सिमिटर बरामद गरेको छ । साहलाई  कालोबजारी ऐन अन्तर्गतको कसुरमा अनुसन्धान अघि बढाइने खनालले बताए।