0
Shares
काठमाडौं ः आफ्नो पक्षमा बहुमत रहेको पुष्टि गर्न पुष्पकमल दाहाल ‘प्रचण्ड’ र माधवकुमार नेपाल नेतृत्वको नेकपाका केन्द्रीय सदस्यहरूले निर्वाचन आयोग जाने तयारी गरेका छन् ।
शुक्रवार अपराह्न सबै सदस्यहरू आयोग जाने तयारी रहेको केन्द्रीय सदस्य झपटबहादुर रावलले लोकान्तरलाई बताए । आफ्नो पक्षमा बहुमत सिद्ध गर्न प्रचण्ड–नेपाल पक्षका केन्द्रीय सदस्यहरू नागरिकता र परिचयपत्र बोकेर निर्वाचन आयोग जान लागेका हुन् ।
प्रतिनिधि सभा विघटनपछि राजनीतिक रूपमा दुई चीरा भएको नेकपाको आधिकारिकता विवाद निर्वाचन आयोगमा विचाराधीन छ ।
नेकपाको दुवै समूहले आफू आधिकारिक रहेको दाबी गरिरहेका छन् ।
४ सय ४१ सदस्यीय केन्द्रीय कमिटीमा बहुमत सदस्य प्रचण्डनेपालतिर देखिएका छन् । आफूतर्फ बहुमत हुँदा हुँदै आयोगले आधिकारिकता नदिएको भन्दै प्रचण्ड–नेपाल पक्ष रुष्ट छ ।
