0
Shares
गौशाला ः महोत्तरीको गौशालामा वस्तीमा पसेको हातीले जनधनको क्षति गरिएको घरपरिवारलाई महामारी नियन्त्रण र व्यवस्थापन समितीले राहत वितरण गरिएको छ ।
मंगलवार समितीले गौशाला नगरपालिका १० मा पुगेर स्थानिय रामएकवाल मण्डल, रामदरेश मण्डल, विरेन्द्र मण्डलको परिवारलाई राहत सामग्री वितरण गरिएको हो । राहत स्वरुप उनीहरुलाई जनही १ बोरा चावल, १ प्याकेट नुन, १ प्याकेट खानेतेल, आलु र प्याज वितरण गरिएको हो ।
पिडित परिवारका अनुसार हातीले आक्रमण गरेर जनधनको क्षति पुर्याएपनि हालसम्म जनप्रतिनिधीले राहतको लागि उचित व्यवस्थापन नगरेपछि सो संस्थाले राहत वितरण गरिएको हो । राहत पाएपछि पिडितहरुलाई केहीमात्रामा खानपिनको लागि सहयोग भएको हो । यसअघि वडा नं. १० का वडाअध्यक्ष शेष जलिलले घटनास्थलमा आएर सत्यतथ्य बुझेर गएपछि कुनै किसिमको गतिविधी संचालन नगरेको पिडितले बताए ।
पिडितहरुका अनुसार आफुहरुले गौशाला नगरपालिकाको कार्यालयमा गएर घटनाको सम्बन्धमा जानकारी गराउदा समेत नगरपालिकाको कार्यालयबाट उपमेयर आशा लामाको टोली आएपनि राहतको सम्बन्धमा कुनै किसिमको सुनवाई हुन सकेको छैन ।
त्यस्तै ईलाका प्रहरी कार्यालयले मचुल्का उठाउनका लागि फुर्सद नभएको भन्दै आफुहरुलाई ढाँटदै आएको ब्ुझिएको छ । यस सम्बन्धमा प्रहरी निरीक्षक विष्णु प्रदीप वस्यालले पिडितपक्ष कार्यालयमा नआएपछि मुचुल्का बनाउन नसकेको जानकारी दिनुभयो ।
आईतबार मध्यराति जंगलवाट आएको हातीको एक झुण्डले जंगल छेउमा रहेको वस्तीको घरपरिवारका क्षति पुर्याएपछि स्थानियहरु तर्सिएका छन ।
