मटिहानीमा साइकल बितरण कार्यक्रम

महोत्तरी / मटिहानी नगरपालिका वडा नं ४ स्थित नेपाल राष्ट्रिय जनता मा. वि. मझौरामा साईकल वितरण गरिएको छ । वुधबार एक समारोहकाबीच सो विद्यालयमा अध्यनरत कक्षा ८ का छात्राहरुलाई प्रदेश नं २ सरकारको को बेटी पढाउ बेटी वचाउ कार्यक्रम अन्तर्गत साईकल वितरण गरिएको हो ।

सो तहमा अध्यनरत ४० जना छात्राहरुलाई मटिहानी नगरपालिका प्रमुख हरि प्रसाद मण्डललद्वारा साइकल बितरण भएको हो । सोहीवीच नगरप्रमुख हरिप्रसाद मण्डलले छोरीहरूलाई शिक्षित र सब्बल बनाउन प्रदेश सरकारको बेटी पढाउ बेटी वचाउ कार्यक्रम प्राभावकारी एवम सहारनीय रहेको प्रतिक्रिया दिनुभयो । उहाँले साइकल बितरणले छात्राहरुलाई शिक्षाको पहुँचमा वृद्धि हुने बताउनुभयो।

मटिहानी नगरपालिका वडा नं ४ का वडा अध्यक्ष मईनुद्दिन राइनको सभापतित्वमा सम्पन्न कार्यक्रममा विद्यालयका प्रधानाध्यापक सुरेन्द्र प्रसाद यादव , मटिहानी नगरपालिकाका योजना अधिकृत राजेश कुमार शर्मा, शिक्षा प्रमुख चन्देश्वर साह लगायतका वक्ताहरुले शिक्षाको महत्व वारे प्रकाश पार्नुभएको थियो ।