श्रीमतीको हत्या आरोपमा श्रीमान पक्राउ

रौतहट : आफ्नै श्रीमातीको हत्या आरोपमा श्रीमान पक्राउ परेका छन् ।

भोजपुर घर भई हाल ईलाम देउमाई नगरपालिका वडा नम्बर ४ चित्रे डेरा गरी बस्दैँ आएका ४५ वर्षीय ताक बहादुर तामाङलाई आज बिहानै नियन्त्रणमा लिएको प्रहरीले जनाएको छ ।

घरायसी विवादका कारण उनीहरु बीच शुक्रबार झगडा भएको थियो । झागडा भएपछि, हिजो बिहान ८ः३० बजेतिर तामाङले आफ्नै पत्नी ४६ वर्षीया सुर्जामाया तामाङलाई दाऊले घाटीमा काटेर हत्या गरेको प्रहरीले जनाएको छ ।

हत्या भएको खबर प्राप्त हुनसाथै ईलाका प्रहरी कार्यालय मंगलबारे ईलामबाट खटिएको प्रहरी टोली आरोपी तामाङलाई नियन्त्रणमा लिएको हो ।

पक्राउ परेका निजलाई हिरासदमा राखी यसबारे थप अनुसन्धान भइरहेको प्रहरीले जनाएको छ ।