बागमती प्रदेश : सहमतिविना नै प्रदेशसभा बैठक बोलाइएको विपक्षीको आरोप

मकवानपुर । बागमती प्रदेशसभाका सभामुख सानुकुमार श्रेष्ठले असार २६ गते का लागि प्रदेससभा बैठक आह्वान गरेकोमा विपक्षी दलहरुले असन्तुष्टि जनाएका छन् । बजेटका विभिन्न विषय संशोधन गर्न माग गर्दै प्रदेशसभा बैठक अवरुद्ध गर्दै आएका विपक्षी दलहरुले सहमतिविना नै बैठक आह्वान गरिएको आरोप लगाएका हुन् ।

आर्थिक वर्ष २०७८÷०७९ बजेटमाथि छलफलका क्रममा विपक्षी दलहरुले विभिन्न माग राख्दै प्रदेशसभा बैठक अवरुद्ध गर्दै आएका छन् । बागमती प्रदेशको प्रमुख प्रतिपक्ष दल नेकपा माओवादी केन्द्र, प्रतिपक्ष नेपाली काँग्रेससहित विवेकशील साझा र नेमकिपाले प्रदेशसभा बैठक संचालनमा अवरोध गरेका हुन् ।

विपक्षी दलहरुको अवरोधका कारण बैठक बस्न सकेको छैन भने प्रदेश सरकारको बजेटमाथिको छलफलसमेत अन्यौल बनेको छ । बजेट पास गराउने विषयमा सत्तापक्षकै सांसदहरुले समर्थन दिन नसक्ने बताउँदै आएका छन् भने प्रतिपक्षहरूले विरोध गरिरहेका छन् । यसका बाबजुद छलफलविना बैठक बोलाइएको भन्दै विपक्षी दलहरुले असन्तुष्टि जनाएका छन् ।

प्रतिक्रिया