ठूलो परिमाणमा लागूऔषध बरामद, एक भारतीय पक्राउ

वीरगञ्ज ः भारतबाट नेपाल ल्याइँदै गरिएको ठूलो मात्रामा लागूऔषध बरामद गरेको छ ।

बाराको कल्याणपुर गाउँबाट प्रतिबन्धित २७ सय १६ थान लागूऔषध शनिबार बरामद गरिएको सशस्त्र प्रहरी उपरीक्षक रविनराज कर्णजीतले जानकारी दिए ।

उनकाअनुसार सीमावर्ती विश्रामपुर गाउँपालिका–१ कल्याणपुर गाउँबाट भारतको विहार राज्यअन्तर्गत मोतिहारी जिल्लामा पर्ने आदापुरभवानीपुर घरभई भरियाको काम गर्दै आएका १८ वर्षीय सन्तोषकुमार रजक लागूऔषधसहित पक्राउ परेका हुन् ।

उनको साथबाट २र२ एमएलको डाइजोपाम ८ सय ९०, नर्फिन ९ सय १ र फेनारगन ९ सय २५ थान सुईसहित बीआर ०५ वाई २७५२ नम्बरको मोटरसाइकलसमेत बरामद गरिएको हो ।

उनीमाथि अनुसन्धान गर्न नेपाल प्रहरीलाई बुझाइएको प्रहरी उपरीक्षक कर्णजीतले बताए ।

प्रतिक्रिया

सम्बन्धित समाचार