सप्तरीको छिन्नमस्ता मन्दिरमा चाँदीको मुकुट चोरी

राजविराज  : नेपालकै प्रसिद्ध शक्तिपीठ भगवति मन्दिरमा चोरी भएको छ । सप्तरीको छिन्नमस्ता गाउँपालिकास्थित प्रसिद्ध छिन्नमस्ता सखडेश्वरी शक्तिपीठमा रहेको भगवतीको चाँदीको मुकुट (मस्तक) आइतबार साँझ चोरी भएको छ ।

साँझ करिब सवाँ ७ बजेतिर चाँदीको मुकुट चोरी भएको मन्दिरका पिठाधिस महाकान्त ठाकुरले जानकारी दिए ।

साँझको बेला पुजारीहरु पोखरीतिर सरसफाईमा व्यस्त रहेको समयमा मुकुट चोरी भएको ईलाका प्रहरी कार्यालय सखडाका सई राम पुकार महतोले बताए ।

मुकुटको खोजी तीव्र पारिएकोे जिल्ला प्रहरी कार्यालय सप्तरीका प्रहरी प्रवक्ता एवं डिएसपी माधव प्रसाद काफ्लेले बताए ।